2018年3月4日星期日 香港島 飲食/休閒/娛樂
《我的創業膠事 3》

大家有無聽過 SWOT analysis (強弱危機分析)?大概係俾你了解自己有咩優劣。我就諗百樂中心無停車場,樓下又無位泊車,咁咪少左個誘因黎食飯lor。所以我自製左一個泊車優惠,唔理你泊喺Times Square定世貿,只要你當日喺港島停車場泊車,我就做優惠俾你。推出左幾個月,反應超乎預期,總共有1個定唔知2個人用正式宣布大失敗!

試業期間,我地水吧每日都要沖過百杯飲品去練習...無理由沖完倒左去ga...咁我地沖完就會派街坊。亦因為咁,我地同附近開左個好嘅頭。宜家d人開鋪,個個都好叻網上宣傳,但就好容易忽略左你嘅鄰居。其實大家番工放工總會碰面,搞好關係人都輕鬆d la...樓上剪髮鋪,樓下美容店間中就彈d客俾我地。

除左樓上樓下,我地仲派人出去其他地方派個吉嘅膠杯同卡片,只要拎個吉嘅杯上黎就可以換一杯滿嘅飲品走。正所謂雞脾打人牙骹軟,呢兩個舉動造就左我地第一批客人。雖然坐唔滿,但已經好有滿足感

待續

到底Little Vegas幾時由一間全日無客嘅餐廳去到2015年做過千萬生意(實際報稅金額)...請繼續留意之後嘅發展

想睇番Part 2嘅朋友可以click下面條Link
https://www.facebook.com/littlevegashk/posts/1616419051729321:0

#我的創業膠事 #LittleVegas
    • 咨詢電話26222369
    • 資訊網頁連 結
    • 地  點 銅鑼灣耀華街3號百樂中心25樓, 0000 香港
    • 請注意,當此地圖不是以一個地址來標記時,其資料的正確與否取決於 Google 地圖的資料提供者們所提供的資料,並且可能隨時會異動。
      在完整的 Google 地圖上查看或規劃路線
    如果這則資訊已過期了,先別急著離開~ 點這裡瀏覽最新的資訊!

    本網站不保證資訊的正確性和您對其內容的理解是否符合您的期望。每則資訊都有其時效性及其內容的解釋/修改/使用權皆屬於該商品或服務的賣方或供應方。 請參閱使用條款