年4月19日
2021年4月19日星期一 九龍 寵物用品與活動
關於寵物展...我地想講嘅係

其實我地最近2年都無擺寵物展喇。

最初我地淨係賣貓傢俬同用品,無人識,膽粗粗去擺人生第一次寵物展,好開心架,一次過見到好多貓奴,當時大部分貓奴都抱住一個「睇下有咩新野」嘅心態黎行,個個行埋我地個booth 都嘩嘩聲,而且好俾心機聽我地講點解要按貓嘅天性黎揀產品,得到好多貓奴嘅欣賞,仲做到有質素嘅交流,好有滿足感。

之後Three Little Meow再擺過三次,一次比一次唔開心。

唔知點解個活動慢慢變成「免費贈品攻略」,無聽到點解個產品適合,淨係知要拎得越多越好,幾十包乾糧sample鋪滿一地,真係試得晒?仲記得包糧有咩好?

去到最後一次,真係去到我地嘅極限。

有人買完野收到2包汪喵小食sample之後嫌少,竟然直接伸手入我地禮物籃度搶,同事話:「每人只限2包架咋」佢竟然話:「你拎得黎就係送俾人架啦!」

有人衝埋黎攤開疊入場送嘅coupon 係我地啲傢俬上面,問:「你地呢度邊張coupon可以用?」同事話:「無呀,我地呢度無大會coupon可以用」佢:「下?咁你呢度係賣咩架?」同事:「???貓用品囉」佢:「我養狗架喎!」

又有人行埋黎拎個電話俾我睇地:「我like左喇」同事A反應唔切,黑人問號;同事B:「唔好意思我地無做like and share 送禮物」

有人係最後一日臨完場之前埋黎講價,我地表示無清貨優惠後,佢:「車,你地賣唔晒咪又係要搬餐懵!都唔識做生意嘅!」

我地商量過,決定唔會再擺呢種寵物展喇。亦都唔想客人因為平/免費而亂買啲唔合適嘅產品。

又,因為工作需要都去行左個圈,見到今年多左好多貓貓入場,大部分個樣都好驚其實場地真係好嘈,今年仲要不停播防疫指施嘅提示,去shopping真係唔使帶貓,反正大部分都驚到唔玩唔食
    • 咨詢電話53763637
    • 資訊網頁連 結
    • 地  點 觀塘開源道55號開聯工業中心A座5樓518室, Kwun Tong, Hong Kong
    • 請注意,當此地圖不是以一個地址來標記時,其資料的正確與否取決於 Google 地圖的資料提供者們所提供的資料,並且可能隨時會異動。
      在完整的 Google 地圖上查看或規劃路線
    如果這則資訊已過期了,先別急著離開~ 點這裡瀏覽最新的資訊!

    本網站不保證資訊的正確性和您對其內容的理解是否符合您的期望。每則資訊都有其時效性及其內容的解釋/修改/使用權皆屬於該商品或服務的賣方或供應方。 請參閱使用條款