Little Vegas - 我係用信用卡入嘅,泊車優惠都係用信用卡做,咁出車當然係用信用卡啦。

2018年2月19日星期一 香港島 飲食/休閒/娛樂
[ 朗豪坊幫我開年 ]

前幾日去朗豪睇戲,咁就泊架車喺朗豪個停車場。我係用信用卡入嘅,泊車優惠都係用信用卡做,咁出車當然係用信用卡啦。事情就由部機食左我張卡開始......

佢唔出番張卡俾我又唔開閘俾我...咁叫職員幫手好正常呀。點知俾個職員問到好似我作緊故仔從來無插張卡入去咁。不停喺度: 你真係...?你真係...?

期間個職員大大聲講左好多次:嘩,從來無發生過ga wor...點解到我更先搞d咁嘅野...勁黑仔

OK...你最黑!我錯曬好冇?

後面又頂住d車。咁我咪提議開個閘俾我去隔黎停埋一邊先。講真幾百萬部CCTV影住我你驚我走佬咩...佢依依哦哦左一大輪先肯俾我讓後面d車...

佢揾左幾個人幫手,大家嘗試方法都係一樣。打開部機叉腰望一陣跟著熄機開機再拍下部機,叉下腰再長歎。過左半個幾鐘,就叫我俾錢留資料走先...OK。理解嘅,你地要等技術人員番工...make sense

後來第二朝打電話叫我去拎。咁我今日突登坐車去拎,由發生件事到拎番張卡。唯一講過唔該同唔好意思嘅人係我!佢地管理處張我張卡當失物認領,俾番張卡我嘅時候係抱著一個你執到啦嘅態度。

年已開
    • 咨詢電話26222369
    • 資訊網頁連 結
    • 地  點 銅鑼灣耀華街3號百樂中心25樓, 0000 香港
    • 請注意,當此地圖不是以一個地址來標記時,其資料的正確與否取決於 Google 地圖的資料提供者們所提供的資料,並且可能隨時會異動。
      在完整的 Google 地圖上查看或規劃路線
    如果這則資訊已過期了,先別急著離開~ 點這裡瀏覽最新的資訊!

    本網站不保證資訊的正確性和您對其內容的理解是否符合您的期望。每則資訊都有其時效性及其內容的解釋/修改/使用權皆屬於該商品或服務的賣方或供應方。 請參閱使用條款